عنواني
بنيت شوقي بدمع العين
وكلفني البنا غالي
لاانا عارف اروح علي فين
ولا عارف اعيش خالي
وفي الحيره يزيد شوقي
وطعم الدمع حنيه
دا دم ولا في عروقي
لهيب ماتطفهوش ميا
بنام احلم باني غريق
الاقي الموجه وخداني
وتمشى وكل خطوه طريق
وترجع بيا من تاني
يتوه الحلم بين الاتنين
مابين الموج واوهامي
ومش عارف اجيب منين
وعشت أسير لاحلامي
انا راضى بزل الشوق
وهرضى كمان بحرماني
غلط قلبي انه بص لفوق
نسي ان الارض عنواني
بقلمي
#احلام_ابراهيم