يمكن غلَط.... هالوقت حاكيك...
يمكن غَلَط..
علِّق عيوني فيك
يمكن غلط
عم تضحك وبكِّيك....
يمكن غَلَط...
بعد البعد ...بعد الوعد
إنُّو ما نرجع لبعض
ويبقى الورد
بإيدي عم يناديك...
عم عيش أيامي معك
لحظة بلحظة بسمعك
عم شمَّك وعم إقشعَك
بس الغلط ... كل الغلط
إنَّك معي ومضيعك
عم عيش وما لاقيك.....
يمكن غلط
عم إبقى إتأمَّل
نرجع سوا
ونعيد من الأوَّل
نسرق ضحك من هالدني
ونخلق سما كلها غني
ونغرق بغيمة ولدني
ونعيش وما نسأل
عقلي فهم إنو خلص
بس القلب...طوَّل
يمكن عُمر
يمكن دهر
يمكن
بعد موتي بشهر
ما يرضى يقتنع
وعنَّك ما يتحوَّل
يمكن قهر
يمكن شِعر
صرلو عُمر
معوَّد بدونك إنت
ما يكمِّل
ويمكن غلط
إبقى انا وقلبي
على ماضيك
بس الغلط ... كل الغلط
إنك معي
عم عيش وما لاقيك
أنور مغنية 05 05 2021