بقلم علا وحيد
ممكن تبقى فاكر انه باب فرج، وتبص تلاقي فرج ذات نفسه جاي ياكل من لحمك. حاجات كتير بتبقى إنذارات لينا. واحنا مش واخدين بالنا. وتفضل تحوم حوالينا واحنا مش عارفين ان فيها ضرر. وتلاقي ربنا كل شويه بيبعدها عنك عشان عارف ان فيها أذيه. وتلف الايام وتدور. وبردو تقع في نفس الدور. وتجيلك ضيقه. وتفتكر ان اللي بيلف عليك دا هيجي ينقذك. وفعلا بتمشي بمبدأ الغرقان بيتعلق بقشايه. تسند عليها وريتها هتسندك. وبردو تتسند على حيطه مايله تتهد فوق دماغك. ما ربنا حزرك مره واتنين وتلاته. مالك ماتفوق. وتسند نفسك. واستعن بالله. العشم هو اللي بيودي الواحد فداهيه مستني حد يقولك كلمه ولا يجبلك اللي انت محتاجه. انت لسه بتتعلم الدنيا مفيهاش كده. اللي بيلاقيك ضعيف بيدوس عليك. ولو هش هتتكسر. الدنيا عايزه وحوش. مش عيب تاخد رأي اللي حواليك. بس متعتمدش ان حد هيشيل شيلتك. طول مانت مستني المصباح السحري اللي هيغير حياتك من غير ماتتعب. طول ماهتبقي مهموم وعمرك ماتقوم. السحر فالتغيير اتغير انت. عشان الدنيا تتغير واجه مشاكلك. واجه كل حاجه مزعلاك. متشلش جواك. الهم بيتقل. وهتشيل ليه عشان متجرحش اللي زعلك. خليك فاكر ان لو انت فارق معاه مكنش زعلك. خليك قوي متخليش حد ياكلك. ويستكتر فرحك مش كلمه تجيبك وكلمه توديك. متبقاش زي الفرع الخفيف شويه هوا يجيبوك ويودوك. خليك ثابت زي الشجره القويه تتحمل كل حاجه وهي ثابته. خلي عندك أهداف حتى لو حلم بسيط اسعى ليه وخد بالك من الإنذارات اللي بتجيلك. الحدايه مبتحدفش كتاكيت اتلعست من حد متامنلوش تاني. سيبك من الوشوش اللي بتضحك فوشك وانت عارف من وراك بتعمل ايه. متخليش حاجه تعطلك فطريقك.
دمتم في امان الله