آه ياوجع ساكن الضلوع
وقلبي كله ليك بكى و دموع
لا عارفة أنهي الحكاية
ولا أجيب دوا لقلبي الموجوع
زرعت فدان فرح
طرح حزن وأنين
وآه على الغلبان
يروح من غلبه فين
ياناي إمتي يجيني طبيبي
ويطيب الروح من لهيبي
أشتريك ياصبر منين
وأنا صبري كله شوق وحنين
داريت الحزن جوايا
بان عليّا من نظرة عين
جاني حبيبي يواسيني
أتاريه بالّهمٌ مغروس
فكرته هيطفي حنيني
زاد في اللهيب جمرين
قولوا لي فين أروح
لا ليه دار ولا بالكلام تفاريح
ظلمت قلبي بيدي
لما سكن جمبي
وتسمي في شهادة الميلاد قلبي
بقلم سمراء النيل نهلة كبيكى