ليس كلنا علي عنينا غمام
و لا عايشين نقضيها أحلام
نحارب عدونا فقط بكلام
و من خارج الحدود
نضرب للجنود تعظيم سلام
الكل سامع يا حضرات
من سنين و للاقصي آهات
علي جدرانه كتبها روايات
مستحيل تنصره و تفك اسره
بشال مع حبة مظاهرات
الأقصي أسير و لا لأ
القدس عربية نقول الحق
و قلب الصنم ليها رق
لما طمسوا فينا الهوية
و اخدوا حقي هدية
و شقوا وسطينا ألف شق
الحرب يا ناس ليها رجالة
لا هما كسالي و لا حتي قواله
تضحي بحياتها ببسالة
لا تهرب من الميدان
و لا تعيش علي غيرها عواله
قالوا اللي يعوزه البيت
يحرم على الجامع
نبني مدارس نعمل مصانع
أنا قلت ما عندنا مانع
مساكن لأهلنا في غزة
أولي..... من ألف جامع .
★★★★★★★★★
د/عمر عبد الجواد