بقلم علا وحيد
طب ماتخلي فعينك حصوه ملح.. وبلاش ابو بلاش تكتر منه. وتحاول توفر على حساب غيرك. بص للي فايدك عشان ربنا يبارك فيه واوعى تستكر على اللي قدامك حاجه انت متعرفش ربنا خد منه ايه مقابل اللي انت مستكتره دا.
راعو ظروف بعض. ملهاش دخل بأنك محتاج او مش محتاج. ليها دخل بأنك باصص للي قدامك فحياته. ناس كتير ممعهاش والقناعه والرضا مليه قلوبهم وعنيهم. ليه دخل باللي فقلبك وبيطلع على تصرفاتك وعنيك. اللي مستكتره عليه اللي عنده. وبتقنع نفسك من جواك ان فيها ايه لو رحت وخدت من عنده اي حاجه. ماهو اللي عنده كتير. طيب بص لنفسك كده وانت بتقنع نفسك بالكلام الفاضي دا. انت تعرف حياته فيها ايه متبصش للحلو اللي فحياه حد خد حياته كلها على بعضها. حلوها ومرها. السهل فيها والصعب. متجيش تبص باكل ايه او بشرب ايه او بلبس ايه. شوف انا دفعت ايه مقابل دا. الحياه صعبه مش ناقصه عين . ناس كتير بتشتكي من كتر المشاكل. وعدم الراحه. والأمراض. دي ممكن تبقى عينك وانت مش قاصد. العين حق. ابعد اذاك عن أخوك.النظره بتبقى صعبه .الحسد بيمرض وبيموت.وبيعيشنا فعذاب. احمو بعض. واتمنو الخير لغيركم. يمكن لما يرتاح يديك لوحده. بدل ماهو ملهي فبهدلته من اللي بيجرالو بسببك. المجهود اللي بتعمله عشان تفكر تستغل اللي قدامك. ممكن تحوله بأنك تدور على حاجه تنفعك وتقدر توصلك لأعلى مكانه. حاول توصل بمجهودك. استعين بالصبر والرضا بقضاء الله وقسمته.
دمتم في امان الله.