بقلم / علا وحيد
الصيف دخل وخلاص الكل عايز يصيف ويطلع مصيف.
وناس زعلانه عشان كرونا، وناس، زعلانه عشان مش عارفه تروح، وناس معهاش تروح. طب تعالي اقولك حاجه.
تعالي روح مصيف هتلاقي ناس كتير جايين كلهم ومتجمعين في مكان واحد. بس متعرفش جواهم ايه. في ناس هايصه اوي ومطلعين كل طاقتهم ومهيبرين المكان. وناس رومانسيه وحبيبه، متعرفش حبو بعض فجأه ولا هما جايين حبيبه من الاول، وناس جايه عشان كل سنه بيطلع مصيف، وناس جايه تقضيه واجب، وناس مكشره، وناس بتتخاتق، وناس عماله تراقب كل اللي بيحصل. الغرض انك تخرج تتفسح انك تغير مود بس انت لازم تفهم ان الخروجه بالناس اللي معاك. انت ممكن تبقى فبيتك وسعيد، وممكن تبقى مع الف حد والهم والحزن مالي قلبك.
اختار الصديق قبل الطريق. متوهموش نفسكم بالأماكن، دايما يتقال الصحبه الحلوه، ربنا يخليكم يا أصحاب.....
دمتم في امان الله