أين تخبئ الزنبقة الرحيق/بقلم: عالم ادم الرشيد .المساء العربي

- يا اللي ركبت الجمل.. 

- والحلم صعب عليك.. 

- وشربت مُر الامل.. 

- بالفرحه ضحكوا عليك..

-  كل اللي وعدك يوم..

-  يسقيك حلاوة الكاس..

-  ما ادكش غير اللوم..

-  عراك في وسط الناس..

-  أنا اللي كنت كبير..

-  والكلمة مسموعة..

-  وفي وسط وسط الخلق ..

- الراية مرفوعة..

- بإشارة منى الكل..

- دائما يقولوا آمين..

-  ياللي كلامك أمر..

 - تؤمر يقولوا آمين..

-  بإشارة من رمشك..

-  تلقي الجميع طايعين..

-  إيه غير الأحوال..

-  وغرزت ليه في الطين..

-  سلمت حبل الجمل..

-  للي ما لوش في العهد..

-  وقفت تبكي عليه..

-  وتقول ده خان الوعد..

-  بايديك زراعت الشوك..

-  في طريقك الوردي..

-  مشاعرك اللي خانوك..

-  فوق الأسى عدي..

-  ياللي رضيت الهوان..

-  ماتلومش غير نفسك..

-  طعم المرار ألوان..

-  والذل بينفسك..

- طوب الرضا منقوش..

- بالصبر والمجاريح ..

- في اللوحة باقي رطوش ..

- خليك لمرة صريح ..

- أنا اللي على نفسي..

-  حكمت بالإعدام..

-  ورضيت بذل العشق..

-  يا أمير بقيت خدام..

- لو يوم قالولك بيع..

-  بالغالي بعت رخيص..

-  فكك بقى من الهوى..

-  وكفايه بقى تقويص..

-  مش كل كلمة حب..

-  من القلب حيحانة..

-  ولا كل عود أخضر..

-  بتحسب ريحانة..

-  نفض غبار السفر..

- خلي الجمل واقف..

-  بكرة الطريق يحلى..

-  م العشق ليه خائف..

- رفرف على بابك ..

- صوت الأمل صاحي..

- يا ما أكتر أصحابك..

- والفرح في صباحي…

............

 شعر / محمود فؤاد

 السبت ٢٠٢١/٥/١٥

الساعة ١٢:٤٥ ظهرا