بقلم / علا وحيد
ربنا يرحم كل اب وكل ام رحلو عن عالمنا، وربنا يبارك في كل ام وكل اب عايش معانا، احمدو ربنا على نعمه وجودهم حتى لو مبقوش قادرين يعملولك حاجه، هما اكيد عملو كتير قبل كده، كتير مننا بيبقى شايل هم انهم كبرو، وبقو هما اللي مسؤلين مننا، ويفضل تفكيرنا محدود من ناحيتهم اللي بيتلخص انهم يكلو ويشربو كويس، واننا نتابعهم بدكاتره اذا تعبو، طيب الحياه عندهم مخلصتش ولازم يروحو عن قلوبهم، ويغيرو فحياتهم، روتين الحياه بيبقى موت بالبطئ، طيب تعالي كده فكر من ناحيه تانيه، انك تفضي نفسك يوم مش عشان تزورهم، انك تاخدهم تفسحهم، هتلهم حاجات حلوه، لبس جديد، أعملهم نيولوك ايوا نيولوك غير من شكلهم خليهم متجددين متخليهمش يحسو اننا بنقضي واجب ناحيتهم وراكننهم في أماكنهم لحد مايرحلو، اهتم بيهم كأنهم لسه صغيرين، صدقوني هيفرحو اوي، واضحك فوشهم وضحكهم وابسطهم، مش لازم طول الوقت نشيلهم همومنا، دلعوهم ومش مره وتنامو عليها خليهم كل فتره فبالكم، (وقل لهما قولا كريما)
دمتم في امان الله