كتبت نرمين بهنسي
قولى يابنى
ماشفتش ابنى
اصلك انت حتة منة
تقولشى هو
.
كان لابس زيك تمام
واد أصيل مليان مروه
.
أبن بطنى
أسمر واخد شكل ارضة
كان حارسها
زى مابيحرس فى عرضة
اصلة بيخاف اللئام
.
أبن بطنى عب سلام
من يومين قالى انة راجع
بس غاب
وأما آخر
قولت اسئل
عنة حد م الصحاب
.
أصل تليفونة مارنش
وابنى حامى حتة واعرة
قالى فيها ضباع كلاب
.
طب يطمن قلب أمة
دة قالى راجع
بس غاب
ويابنى خلصت الكلام
.
لو قابلتة احضنة
وقولة واد ياعب سلام
امك بتسلم عليك وبتحضنك
وخلصت فيك الكلام