كفايه حزن يا قلبي عليك
امسح بايدك دمع عنيك
وأنسى الي خانك
في يوم وباعك
والي بيطفي
النور في عنيك
يا قلبي سيبك
ده مش حبيبك
لا صان غرامك
ولا حس بيك
كفايه حزن يا قلبي عليك
لا مره جالك
في يوم ندالك
ولا قال بحبك
واهتم بيك
غدر و سابك
في نار عذابك
مجاش و يسأل
أيه جري ليك
كفايه حزن يا قلبي عليك
طفيت شموعك
سألت دموعك
ما بين جراحك
وبين همومك
رحل وسابك
في الهم جابك
رماك بغدره
ما حس بيك
كفايه حزن يا قلبي عليك
بلاش يا قلبي
تعاتب و تشكي
هتروح لمين
في حضنه تبكي
يا قلبي أفرح
وأنسى الي يجرح
بكره جايه
الفرحه عليك
كفايه حزن يا قلبي عليك
بقلم الشاعر محمد سعدون