أخشن يا بيه بلاش دلع وابصر ايه..
ما تسمعش كل اللى تقولك عليه..
هى البيوت بقت خربانة من ايه..
البيت بالحكمة والتقوى تمشيه..
لازم اساس الكل يمشى عليه.. ..
مش كل ما أبنك يعيط تديه..
كده بتضره مش بتدلع فيه..
يعمل ايه لما تقسى الدنيا عليه.
أوعاك يطلب أمه تعيط لك تديه..
شوف كام راجل ضيع إبنه بأديه..
وكام راجل ضاع من زن الست عليه..
يدى لعياله ملكه ويذلوا فيه..
ملكك عزك متع إبنك بيه..
يطلب فى حياتك منك تديه..
يفضل عازك وشايلك في عنيه..
أخشن تفضل طول عمرك بيه