أين تخبئ الزنبقة الرحيق/بقلم: عالم ادم الرشيد .المساء العربي

الشرخ بان جوة الحيطان.. لما بنهجر المكان

الشرخ بان جوة الحيطان.. وكأنه جرح م الزمان

شروخ كتير متنتورة.. على الحيطان متبعترة

كان في شروخ صغيرة

فجاءة كبرها الزمان

بقت الشروخ.. ملية الحيطان

الشرخ بان جوة الحيطان

.... 

شروخ وكانت من سنين..

فيها الجراح فيها الانين..

فيها اللي كان من دمعتين..

بس الدموع متحجرة..

زي الشروخ متبعترة.. على الحيطان..

الشرخ بان.. جوة الحيطان..

شروخ نخبيها بدهان

وشروخ تداريها البيبان

وشروخ بينسها المكان

وشروخ معانا من زمان

بس لما الشرخ بان..

بقت القلوب متحجرة..

زي الشروخ.. على الحيطان..

متنتورة...

الشرخ بان... جوة الحيطان..

شروخ وذكرى مؤلمة

جوة القلوب معلمة

زي الجراح مصممة

تسيب أثرها للزمان

الشرخ بان جوة الحيطان

لما بنهجر المكان.. الشرخ بان

#قلم ايمن شتا