لويرجع الزمان
حبيبي نفتكر يرجع بينا الزمن
كانت احلي عيشة بالحب والامل
وليل ونهار جميل بيجمعنا المكان
مقوينا الايمان سوا فى نفس الميدان
لاقولنا نعيش منين ولاحتى نروح لمين
حبيبي يانبض عمرى انت النور والحنين
انت الروح والامان انت كل اللى كان
حتى تمام العبادة برضاك وفى كلمتين
انا عايزة كل حاجة م الروح قبل العين
الشوق عندى زيادة اطفيه بنظرة عين
شايفاك ولما كنا نبض الروح للعين
يرجع بينا الزمن سوا في نفس المكان
ونعيش فى دنيا تانيه مفروشه بالامان
فيها النور والرضا فيها الشوق والحنان
فيها الروح والوفا وقناعة الانسان
فيها الطوق والجفا منزوعه م البيان
فيها البسمه العافيه فيها الروح والصبا
فيها الكلمة النديه فيها النسمة الوفية
ورموش بتغطى عين وستاير ع الصفين
لافى احزان وباقية ولافى اوهام وساقية
بالروح والحب كلمة معانى كل الامل
والروح قبل العمل ويعود بينا الزمن
لاجل ندوس على الالم نتصافى فى المحن
وننسي اى خوف واقوى م الزمن
ايدواحدة لكل خير ونسابق الملل
نفوس مليانة طيبة وكفوف لناس غلابة
لافيها حقد وافى ولاغابة م الديابة
فيها اللى فيها راضى لقمة عيش والوسادة
لاطمعانين فى ثروة ولامحتاجين عيادة
بقلم محمد عباس
الإسماعيلية. مصر