حبت فقير بنت أكابر
شغل جليبها وبيكابر
جواها عاشقاه
ومش صابر
ولا عايزه دهبه
ولا أساور
مهري في عينيه
بس يشاور ..
يطل مره ويدارى
يبعت هواه
شوق ورساله
يغزل لي ليل
أحلى روايه
سهم الوصال
صاب جوايا
دقات لشوق
عايشه معايا ..
في عيوني حضناه
ولا همه ..
وأسوق عليه
خالته وعمه
تقلان عليا وبيعاند
لو قلبي ينطق أقول رايد
عشقاه وأملي بيتزايد
والليل وآخره معاه فارد
في ورود غرام
شهده قصايد
لو جانبه مال
عندي ده زايد
مش عايزه غير
قلبه كفايه ..
بقلم .. صبري رسلان