الحديد إرتووووى من الدم
وحس بنبض قلوب البشر
جاتله لوووثه من كتر الهم
والطيور بتعيط ع الشجر
نكسووووا الأعلام للحداد
يوم والتاني كارثة قطر
وكل الألوان بقت سووواد
ووجع المناظر ألم ما يتلم
الإحساس غير لون الحجر
ومقاسي الغلابه هم في هم
ومعاملة الإنسان ذى البقر
وعناوين كلها من سراب
من سنين بتتكتب وتتعاد
واللسان إتعود على الأسباب
وحوادث ليها تاريخ ميلاد
والحقيقة ممنوعه من النشر
بص فوق ح تشوووف غراب
وتحت رجلك ح تشوف قبر
والكرسى منصوب ع الرقاب
وأنين الوجع زاد ولله الأمر
.........................................
............ حسن الشوان ...........