يابنى بنقولك وبا... تقوم تحضنه بغبا؟! ...دى الحالات مرعبة... يشيب ليها الصبا
بنقولك متر لورا... مش بنقولك اعدى الورى... بلاش تجيبنا ورا.. بدماغك اللى عاوزة صنفرة.. يا ناس أيه اللى جرى.. المحبة مش زحمة وعدوى وعلى المستشفيات هات يا جرجرة.. الناس نازلة سلام وأحضان دا كدة مصيبة وهاتبقى دندرة.. ليه كل حاجة عليها طوابير؟ يا ترى فى أيه خير؟ يا جماعة إحنا فى وبا مش فى مجاعة.. وكله شاطر وبينصح غيره.. وفى شئون الناس حاطط مناخيره.. طب وأنت فين وعيك وكمامتك؟ شايف الحالات ازاى كتير؟الوبا مش سايب صغير ولا كبير.. الموضوع محتاج وقفة وتفكير.. ولو عندك مناسبة خليها على الضيق.. صدقنى مش ها تفرق.. كدة كدة مش ها تتشكر.. اسمع كلامى وبكرا تفتكر.. خليك ويا ولادك فى البيت.. وحاجى على الكتاكيت.. ما انت ياما روحت وجيت.. لا بنيت ولا عليت.. محدش ها ينفعك لو طبيت.. الحضن مش ذوق ولا أتكيت.. دا مش كلام منظرة ولا تبكيت.. وربنا يحفظنا جميعا سالمين.. وكل سنة وانتم طيبين.