الحياة مش وردية
أرجوك إهدى
وفكر شويه
الحياةمش
كلها ورديه
دي شقي وتعب
ومسئوليه
بلاش عناد
وأصبر شويه
أطفالنا راح
يكونوا ضحيه
الحكاية مش
تبعد عني
وأبعد عنك
ولاضعف منى
وقوةمنك
الحكاية مسئوليه
في رقبتي ورقبتك
ليه نسيبوا
أولادنا للشوارع
حالتهم تبقى
بؤس ويأس
ومستقبل ضايع
ويبقى فيهم حرامي
وإرهابي وصايع
وتعم الفوضى
البلاد والشوارع
بلاش عناد
وخليك متواضع
ولصوت ضميرك
خليك خاضع
بلاش تسد ودانك
راعي ضميرك
في أولادك
وخليك لصوت
العقل سامع
وعمر الحل مكان
في الإنفصال
راح يزود المشكلة
والحال يسوء
عن الحال
البيت رح ينهد
وتتشرد الأطفال
وفين راح تلاقي
راحة البال
والعيشه الهنيه
أرجوك إهدى
وفكر شويه
بلاش نهرب
من المسؤولية
الحياة مش كلها وردية
بقلم/سامي محفوظ حنا