ترند بحبها أصبح
في دنيا العشق أعلى ترند
وكل الدنيا راح تشهد
بإن هواها في حياتي دا أول بند
بقيت إنسان بلون تاني
بشوف الدنيا بعيونها بلون تاني
بقيت ف العشق انا أناني
ومش عاوز حبيب تاني أشاركه الود
..........
وهاشتاج إني مشتاقلك بقالي دليل
وإحساس إني محتاجلك سقاني الويل
ومهما يطول بعشقي الليل
بقيت عارف ومتأكد
بإن هواكي ماله بديل
وبرضه بقيت أنا عارف
بإنك إنتي وش السعد
..........
رسايل عشقي بتقولك تعالي قوام
كفاية تعبت بخيالي من الأحلام
تعالي وحققي الأحلام
ونكتب عشقنا بإيدنا
مع الأيام
تعالي نعاند الأوهام
وطول ما عشقنا باقي يطول العند
..........
بقلم / محمد ربيع المصري