ولسه الحزن باقي
ومعشش ف القلوب
ولسه الهم دائي
وعنه مش بتوب
والملم البواقي
وارضي بالمكتوب
لسه الحزن قدر
والحكم النافذ صَدَر
والدمع مش بيجف
ياكل فينا ويحِف
الحزن حزن جوّه
قاتلنا بقسوة وقوة
ياريته ف الوشوش
من ناس ميرحموش
بس المصيبة قرايب
منهم تيجي المصايب
أندال مبيحسوش
الدم ف العروق
اتعكّر مش حيروق
للمر ياما ندوق
م الحزن مش حنفوق
ومهما نطلع فوق
الحزن جايبنا الأرض
لأنه حقيقة وفرض
والسُّنة ف لابتسامة
منها يالله السلامة
ولو ضحكنا ياما
استرها معانا يارب
اللهم اجعله خير
اكفينا شر الغير
تمشي معانا بالحب
الحق افرح يومين
الدنيا حايلها سايسها
افرج عن فرحتك
طلّعها ما تحبسها
أجّرلك بدلة جديدة
واعمل عريس والبسها
هشام سليم
كنج العربي
شاعر الحرافيش
الإسكندرية مصر