بقلم علا وحيد
دايما تروح تبص فحديقه الحيوان تلاقي الثعابين متجانسة، ومتكيفه، ومتلائمه مع بعض، على الرغم من انها مش حيوان أليف، دا حيوان سام، و بالرغم من كده تلاقي في الفه بينهم ، ومحدش بيقرب فيهم من بعض، نيجي لو فكرنا نحط معاهم أرنب، هتلاقيهم سموه وكلوه، كل دا عشان الأرنب دا أليف،وطبعه غيرهم، ومش منهم، ولازيهم ولا شبههم، وللأسف مش هيعرف يدافع عن نفسه بخه واحده مسمومه منهم تقضي عليه، الحل انك متحاولش تيجي جنبهم والأفضل تبعد عنهم،اوعي تزعل يوم انك مش ثعبان، اوعي تزعل انك مش شبههم، واوعي تحاول تساير امورك معاهم عشان هما طبعهم كده، بعدت قربت هما ثعابين، في ناس البعد عنها غنيمه، والقرب منهم مش هينوبك منه غير وجع القلب، والسيره اللي مش طيبه، والمرض وومكن الموت، انفد بجلدك، انت عشان تبقى منهم لازم تكون بتسم زيهم عشان يعملولك حساب، وانت طبيعتك مش كده، لو نفدت بعمرك مره اوعي ترجع تاني، عشان اكيد هيلفو عليك عشان يكلوك، ربنا يبعد شر الناس عن بعضها، الناس مختلفه في الطيب وفي الخبيث، كل اللي تقدر تقوله وتحمي بيه نفسك، اللهم اجعل شرورهم في نحورهم، اللهم سلم
الثعبان هيفضل ثعبان والارنب هيفضل ارنب
دمتم في امان الله