ليه كل حاجة مابقتش زى ما هى..
ليه الحلاوة جبرت وقتلوها بلا دية..
فين زمن الهندمة والهدوم المكوية.
واللمة على طبخة حلوة مستوية..
فين البدلة والفستان وأحلى جلابية..
والفرجة فى رمضان على أحلى تمثلية..
المال والبنون أرابيسك ليالى الحلمية..
ليه لبس الراجل بقى شبه لبس الولية..
ليه لا بقى لينا شكل ولا لينا هوية..
كوتشى على فستان فرح وتتزف البنية..
ويقولوا بقى سوارية بلاش راجعية..
والواد بتوكة فى شعره أيه المصيبة دية..
والمشاعر إتلخصت فى دبدوب هدية..
كل حاجة لا بقى ليها شكل ولا ليها هوية..