بص وشوف دى تبقى مين..
ست الكل أغلى الغاليين..
تشوفا الحاجة الحلوة دى فين..
قلب. واحد وأساسنا متين..
ضفيرة فى شعرك مجدولين..
منسوجة من فتلتين جامدين ..
فتلة جرجس وفتلة حسين..
منصورة بيهم رغم الحاسدين..
وحدة شاهدة عليها السنين..
الحكاية مش فطار وبلحتين..
ولا مين بيسبق ويفطر مين..
ولا وحدة زايفة فى صورتين..
حكايتنا أقوى من الزمن والسنين..
لا فرقنا عدو ولا مستعمرين..
ولا بدعة خبيثة من مخربين..
والمكايد شربها المتأمرين..