أمر صعب وشيء مخيف
لما الحزن يعشش جوا القلوب
والحب يبقى واقف عالرصيف
لما الدموع تبقي شلال
قي العيون والفرح يبقى
يدوب سكر خفيف
أمر صعب وشيء مخيف
لما الحق يروح لصاحبه
علشان بس دمه خفيف
والصاحب يغدر بصاحبه
ومن يومين كان
بيقسم معاه الرغيف
أمر صعب وشيء مخيف
لما كلمة الحق تبقي خيال
وطيف
أمر صعب وشيء مخيف
لما الفظيع يبقى اللطيف
أمر صعب وشيء خطير
لما الحر ينضام والحرامي
يلبس حرير
أمر صعب وشيء خطير
لما الحلم يتحول كابوس
واللهيب يبقى زي الزمهرير
بقلم/
الشاعر رشاد على محمود