بقلم /سحر ابوالعلا
كل حاجة رافضة بعدك... رافضة بعدك
رافضة تبقي هي بعدك.... هي بعدك
حتى صورتك...فيها حاجة من ملامحك.
و ابتسامتك.... هي فين بس ابتسامتك...
خاصمت الصورة في بعدك.
و الليالي نجومها غايبة
سايبة كل سماها عتمة.
و الحروف اللي فى قصايدي
ناقصها نغمة.
نغمة الفرح اللى غايبة.
و الشوارع اللي ياما مشينا فيها
و الأغاني و الحكاوي و القهاوي
كل حاجة ناقصها حاجة
من يوم غيابك .
كل حاجة حبيبي لسة مشتقالك.