بقلم علا وحيد
من منكم بلا خطيئه كلنا بنلغط، ومحدش فينا معصوم من الخطا، بس احنا بنختلف في رد الفعل، بعد الغلط في اللي بيغلط وبيحس بالذنب، وبيتوب وضميره بيوجعه انه عمل حاجه غلط، وفي اللي بيعمل وبيبين انها حاجه بسيطه لنفسه وبيكررها تاني، لحد مايتعود عليها، ويبقي متصالح مع ذنبه، هنا بقي..
الشيطان يسيبه؟... اكيد لا...
دا لقي صديق متصالح مع ذنوبه، يبدء الشيطان يقوله ياعم دي بسيطه، يعني انت عملت ايه، شوف فلان بيعمل ايه وايه، تعالي اعرفك علي.... ويبدا رحلته معاه انه يسهله الغلط، ويدخله علي المستوي التاني لحد بردو مايتعود عليه، وبعدها يعلي المستويات لحد مايبقي ظالم ومفتري او حرامي اوغشاش او يمكن توصل لقاتل من كتر مابيبسطلك الامور، طب توصل لكده ليه.. انت اللي هتتحاسب في الدنيا والاخره ، وهو هيجري يوم الحساب، ويقول انا برئ منك، وشيلتك هتشلها لوحدك، حجم شيطانك، عشان لو سبتله مساحه هيتحكم هو فيك، وهتبقي صيده سهله بالنسباله، اتمسك باخلاقك، ومبادئك، ودينك، لجم غضبك، وانتقامك وعيش فسلام، ومش هيسكت، لما يلاقيك قطعت عليه الطريق، هيحاول وهيحاول، هيبعتلك الناس اللي واصله معاه لدرجات عاليه من الغلط و السيئات عشان يكونو لك اصدقاء. يعينوكو علي تسيهل الاغلاط، ويشجعوك خلي عندك عقل، ربنا ميز الانسان عن باقي المخلوقات بالعقل، دايما فرمل نفسك وقول......لا..... واكسبك الدنيا والاخره، دا صراع ابدي لحد اخر يوم فالعمر، خليك اذكي، والله المستعان، ولو حسيت انك وقعت وغلطت كتير، خليك دايما فاكر ان طريق التوبه والرجوع مفتوح، استغفر، واحمد، واشكر، وارضى، وستغفر الذنوب، حتي ولو كانت مثل ذبد البحر، كل الطرق مفتوحه قدامك، بايدك انت اللي هتختار تعيش ازاي، وتمشي فاي طريق.. متخليش الشيطان يكسب اخر اللعبه كل شويه ارجع حتي لو هترجع مليون مره باب التوبه مفتوح علي طول. عمره ماهيتقفل فوشك، ربنا رحمته وسعاااااااااه جدا، تتحملك وتتحمل اخطاءك، كل مره، ومتخليش الشيطان يقولك انت مش محرج من ربنا، ويدخلك فسكه تانيه، انت لو اتكسفت، يبقي وقعك فمصيده تانيه، كده كده ربنا عارف اللي انت عملته، روح ليه واستغفرله، يعني لو مروحتش انت شايل ذنبك، هو قايلك انا فتحلك بابي فاي وقت، خليك دايما شجاع فالحق، والاعتراف بالخطأ امام الله.
دمتم في امان الله