((نانا بنتى)) عامية
.
حبى إنتى نانا بنتى
.
من عنيكى الشمس طلة
.
من جفونك فوق عيونك
.
قمرة جية وقمرة هلة
.
والأدب دايماً يصونك
.
لو طريقك ألف ذَلة
.
وبصلاتك وبصيامك
.
وبخشوعك حارسِك الله
.
حبى إنتى نانا بنتى
.
ألف وردة وألف فلة
.
دالشمس لو إسيت علية
.
إنتى ليا أحلى ضلة
.
وان خدتنى ف يوم آهاتى
.
أنسى بيكى ألف علة
.
يلِّى دخَّلتى ف حياتى
.
الحنين والدفء كله
.
حبى إنتى نانا بنتى
.
د الندى ع الورد بلُّه
.
والعطش لو صاب سنينى
.
إنتى مَيَّة وجَت مَحَله
.
قلبى شايفك بين صحابه
.
أحلى صحبة وأحلى شلة
.
حبى إنتى نانا بنتى
.
ألف بوسة وألف قبلة