الشرقية /العميد إبراهيم حجاج
في عز وقت الضيق
محتاج أوي لصديق
يسمع لي واحكيله
واقوله علي انا فيه
من غير مداري عليه
يسهرلي طول ليله
اسند كتافي عليه..
ف شدتي بلاقيه
ف شدته انا ليه
والدنيا لما تميل
يسود لون الليل
لما الكلام يجرح
بس النهار بيبان
ولكل فجر أدان
وهمومنا بتروح
ومحتاجين اكتر
علي بعضنا ندور
مهما الحمول تكتر
نقدر نساعد بعض
ويكون اساسنا متين
مع بعضنا واقفين
زي الجبال ع الارض
احنا بنبعد يوم
ويوم يجر سنين
ونفترق عن بعض
بس الاكيد راجعين
عشان كمان حالفين
رابط ما بينا الوعد
ده انا وانت كنا اصحاب
لونفترق احباب
مفيش مابينا الكره
وآهي الحياه بتتعاش
ب تاخد ماتستناش
يبقي نعيشها لبعض..