جرحت قلبي وجرحي غار
ولما غار غار بإقتدار
تعبني طول إلإنتظار
مش بنتظر كام إعتذار
كان أملي تيجي
تداويه تطبطب عليه
كان مسكنك
وكنت إنت محتل ليه
هو ليه بعدك قرار
قولي ليه كاسك مرار
ليه حاسبها إنتصار
كلمه أقولها بإختصار
الله يسامحك قلبي حالته فى إحتضار
عودته ليه
لما ينبض يذكر إسمك
حالة هبوط لما يشوف
ثغرك وبسمك
من لمسة إيديك ولغة العيون
صابه الجنون
غلبتني ساعتها الظنون
إني ساكن
تحت رمشك
إني قمرك إني شمسك
جاي تقول قلبي ما دق
إنتظر يمكن يرق
بعد أيه يمكن يلين
جرحي ليه إنكتب فوق الجبين
خلص الحنين
ولا الكلام كان مسكن كان روتين
ليا طلب لجل خاطر لوعتي
لو الطريق مش سكتي
عشان تداوي علتي
قولي اعمل ايه
بقلم نبيل عبد الحليم
31/1/2021