بكتب في حرف حزين
ليه بقيتي قاسيه لمين
ولا فيكي دمعه يا عين
زاد حزني فيا ..
ما راحوا اللي
كانوا غالين
فضوا مكانهم دين
مين حس بيا
موجوع ليالي
في وحديتي
لأ أنا عارف أبكي
مصدوم لا لاقي دمعيتي
مش قادر أحكي
جوايا مدفون بالحيا
لا أنين .. وصرخه .. ولا
عاجز في حيره ومعضله
كان نفسي أشكي
حتى الدموع إتبخرت
ما عديتش ملكي ..
حزني اللي محبوس
في الضلوع ..
أمله يفضفض من الوجع
وتحن تاني دمعيته
وفى يوم تعود
هلحق دموعي يا ترا
ولا الحياه قصيره
أوراق في شجره عمرنا
تسقط ويجي وقتنا نهايه خريفي ما أبتدى
والدور عليه ..
صمت الوجع ليه ما نطق
مات حسي بيا ..
حتى عيوني إستكترت
في دموعها ليا
والغربه حجزت توب
وداع ما يليقش بيا
راح اللي راح جوا مني
وإنكتب إسمه بأيديه
بقلم .. صبري رسلان