بقلم/حنان الشامي
حبيبتي خلاص كفاية كلام
بلاش دمعك.. بلاش أحزان
محبش أشوف ع وشك هموم وآلام
ولا مره اشوف عينك بنظرة اي لوم وملام
بلاش احزان
وأي دموع هلاقي عينيك بتشيلها
بأيدي امسحها واشيلها
واعيش وياك شوق وهيام
بلاش دمعك.. بلاش احزان
بلاش احزان
كفاية أن الزمن آسي
وفرق بينا بالأيام
وحب ضاع مع الغربة
وعشنا الهم والكربة
وفاضل فيه شوة أيام
بلاش أحزان
كفاية الشيب ملا راسنا
وحرف حزين بكراسنا
وفكر ويا ليل حيران
حمول وجبال ع كتافنا
بلاش احزان
كلام وظنون
واهل حكموا بالغربة
ده اصله جنون
قلوب معجونة بالكربة
بلاش أحزان
وبعد رجوعنا بالصدفة
الاقي عيونك الحلوه
غليها الخوف
دموعك نار ع خدودي
بتقتلني وكلي كسوف
بلاش احزان
دموعك جوه قلبي نار
بتحرق توبه برحيلك
وفكري شت من بعدك
وعقلي من نفوخي طار
بلاش احزان
راح امسح اي دمعة ويل
وابدلها بفرحة خير
حبيبتي لقانا ف بدايته
هبدل يوم ميلادنا كمان
بلاش احزان
راح اكتب فيكي مية قصه
واخلي حروفي للذكري
وكل الناس هتستغرب
من الإخلاص.. بدون اعذار
بلاش احزان
انا شفتك ف احلامي
أميرة يوم
بروحك الجميلة حنون
وطيفك كل ما يعدي ع بابي
يروح النوم
يخلي الضلمة تتبدل
ونورك ف السما يشكل
ويرسم النجوم الوان
بلاش احزان
حقيقة حبيبتي عشناها
وحب كبير وفا وحنان
دي قصة حبنا عايشة
ومش ممكن هتبقى خيال
بلاش احزان
هاتي ايدك ع ايدي
تعالي نجدد الأحلام
وخلي البسمة تسبقنا
معاكي الدنيا فيها أمان
بلااااااااش احزان