أغنية : على فين
كلمات الشاعر : السيد عطيه
------- -------
سيبك بقى من كدبك مره
وقولي عينيك رايحين على فين
هدخل قلبك وللا أنا بره
تحن ف يوم وبعيد ليه يومين
قلبي لسه أخضر على عوده
مشتاق يعرف بس حدوده
أن كان سحره ورد خدوده
احنا برضوا ياناس حلوين
قولي عينيك رايحين على فين
عمري ماهبقى لقلبك حاله
يهرب منها يوم مايعوذ
لو راح فكرك ليها محاله
ندخل ليه ف خساره وفوز
ويتوه قلبي الطيب مني
وأبقى ف شوق حد يطمني
ناوي ع الود قول سمعني
في الحب نعيش يانروح ساكتين
قولي عينيك رايحين على فين
----- ----------
كلمات الشاعر / السيد عطيه
مصر