بأي لون دقيت الباب ياشيخ
دقة طرب ولا دقة صوراريخ
لكن أمانة عليك يا عيد
خليهاعقود نور بلاها شماريخ
أمانة عليك
ياعيد ياأخضر ياابو بلالين
عيد علينا وعلى الملايين
لكن أمانة عليك ياعيد
ماتنسى اخواتنا المرابطين
أمانةعليك
ياعيد ياجاي بكل الألوان
تغزل السعادة بعين الحيران
لكن أمانة عليك يا عيد
ماتنسى تملا قلب الإنسان
أمانة عليك
ياعيد ياجاي على كل الحبايب
القلب القوى والقلب اللى دايب
لكن أمانة عليك يا عيد
تفتكر اللى بينّا وكمان الغايب
أمانة عليك
عيدوا عليابزيادة علشان ماليش
حد هايسأل فيا من الألاضيش
أنا مش يتيم ولا عابر سبيل
أهلى زي الردم لكن الود مافيش
أمانةعليك
يارب الكل للعيد محتاج وفقير
لابس الخيش واللى لابس حرير
كل واحد وعنده ظروفه
أمانة تزغرط بلادنابالفرح والخير
صابر قدح