مشقادر أسكت
وما تكلمش
هو فيه إيه
ليه مبنتعلمش
الدرس بينعاد
أكتر من مرة
ليه مبنفهمش
ليه أرواح الناس
ما بتتقدرش
إذا كان العيب
في السكة الحديد
ليه مابتتصلحش
وإذا كان العيب
في السواق
ليه للكفاءة مابنختارش
ونحسن دخله
ونصرف له مرتب
بيه ما يحلمش
علشان شغلانه تانيه
ما يشتغلش
ولما يبقى سائق القطار
يبقى مصحصح ماينامش
واذا كان العيب في المسؤول
ليه المسؤول مايتحسبش
وإذا كان عمل إرهابي
يبقى عليه مانسكتش
وكان لازم نفهم من الأول
علشان التانيه ما تتكررش
وياريت نتعلم من الثانيه
علشان لو فيه تالته
عواقبها ما تتقدرش
الناس تعبت وأكتر
من كده ما تستحملش
كنت عاوز أسكت ومتكلمش إستفزيني كتير
من الدرس الاول مابتتعلمش
ولا أنتم قلوبكم بقت حجر
لمناظر الدم مابتتألمش
أصلكم مجربتوش
إحساس أم
بتقول لإبنها ماتسافرش
قلبي مقبوض
ودي حاجه ماطمنش
يقول لها دى شغلي
وعليه متأخرش
ويسيبها وتستناه
يرجع ولا يرجعش
ويقولوا لها مات
تروح تستلم جثته
متشوها بين الجثث
ماتتعرفش
أرجوكم الدرس إتعادتاني
وما حدش يقول ما تفهمش
راح أسكت وما تكلمش
يمكن أنا اللي ما بفهمش
بقلم/سامي محفوظ حنا