يا ريت نلحق نحضن
بعض ونطبطب على
بعض ونحس ببعض
وكل واحد فينا يمد
للتانى ايد
قبل ما يعدى العمر
ونلاقينا واقفين
على قبورهم بنقرأ
الفاتحه ولا بنقرأ
فسوره يسن من
بعيد لبعيد
ياريت نذكر محاسن
احيائنا قبل ما نقول
اذكرو محاسن موتاكم
ويدبحنا عليهم الندم
من الوريد للوريد
ياريت نحضن بعض
ونطبطب على بعض
قبل ما يفارقونا والم
الفراق يعصر قلوبنا
اللى اآسى من الحديد
ياريت قبل ما يبقو
ماضى
ونقول كانو طيبن
وكانو حنين وكانو
غلابه وشئيانين
قبل ما نقول ياخسار
ملناش معاهم اى ذكرى
ولا حتى صوره تجمعنا
بيهم فى يوم العيد
قبل ما نقول
كنا فى حقهم مقصرين
وفاوقنا موتهم متاخرين
وبقينا منهم محرومين
وحتى مش هنشوف
خيالهم ولا هيهل علينا
طيفهم ولا حتى ضحكه
عيونهم مهما عدى الزمن
او فاتت سنين
ولا هيجمعنا بيهم
من تانى فرح ولا حتى
حزن ولا حتى نظره عين
فياريت نلحق نداوى
جروح المجروحين
قبل ما نعدى قدام بيوتهم
ونلاقيهم مقفولين
قبل ما نسال عنهم الناس
فى الشوارع ونخبط على
الببان وحطان البيوت
فيرد الصدى من جوا بعلو
الصوت
ويعيد علينا نفس السؤال
الممزوج بالبكى وطعم
الموت
راحو فين الطيبين
راحو فين الغلابه الشئيانين
ملحقناش نشبع
من وجودهم ولا لحقناش
نتملى من وشوشهم
ولاحتى بنظره عين
فياريت نفتكر وجع الفراق
قبل ما نفارق
واحنا لسه موجودين
اكيد هتبقى الدنيا احلى
والله واحنا فيها متجمعين
(محمد فوزى)