بقلم ✍️ سحر أبو العلا
كلهم فترات
يا حزين متتعشمش
أوقات و بتعدي
وانت على حالك مبتتعلمش
مستني يبقولك فاكر يحنولك
ولا أنت متعشم
إنك على بالهم أو حتي
بتخطر بخيالهم
صدقني قطر الحياة .. خدهم
و لا هما فاكرينك
بتفكر فى مين ... و هما ناسيينك
طول عمرك شاري ... و كانوا بايعينك
يغلطوا .... وتسامح
وفى غلطك ... كانوا جلادينك
فات قد إيه من غيرهم
يتجمعوا وانت ولا على بالهم
و لا حتى غيابك أثر يوم فيهم
صدقني بقولك
إبعد و البعد أحلى لك
هتتعب يمكن
لكن كرامتك هى اللي باقية لك
كلهم فترات أوقات و بتعدي
هييجي يوم عليهم تعدي
وعنيك فى عنيهم
ولا هما شايفينك
وكأنهم أبدا ما كانوا عارفينك
لملم بقاياك يا حزين
واحضن اللي باقى فى سنينك
هتعيش وحيد جايز
لكن هتتعلم
مين كان حقيقي يحبك
و مين كان مستني
يشمت فى يوم همك
كلهم فترات أوقات وبتعدي