ضاع العمر
وحيرتونا
كورونا
وكل الامراض
جبتولنا
فقر وقلة
وشحار وتعتير
وغصة بالقلب
زرعتولنا
عداد المصايب
طالع طلوع
وصا رت عندكم
دموعنا ولوع
كل ما بكينا
فرحتولنا
كأنكم مش من صلب
هل البلد خلقانين
الولد لمش من صلبك
كل ما جن فرحلو
وانتو والله جنيتو
وما جننتونا
نحنا من صلب
هل البلد
لكن انتم مش معروف
اصلكم وفصلكم
ومن وين جايين
لهيك مش مقدرين
شو صاير فينا
الجياع ع البواب
واقفين
وانتو عيونكم
مسكرين
بعتوا الوطن
ع شان حفنة مال
ولك مش بس لح تبيعونا
وبتبيعوا كمان ابونا
لكن بشر القاتل بالقتل
ولو بعد حين
هيدا اذا بتآمنوا
بالكتب السماوية
ما في ايمان
ولا رحمة بقلوبكم
عترتونا شحدتونا
بهدلتونا
النوم من عيونا
سرقتولنا
دمرتوا الفرحة
لبقلوبنا
مستقبل ولادنا
ضيعتولنا
مع مين عم احكي
اكيد مع حالي
يلي ما عندو خوف
ع شرف الوطن
ما بيعرف معنى الشرف
ولا مر من عندو
وكل ما بيشوف
هل الوطن مجروح
بيقول ما بيلزمني
انا تربيت ع الخيانه
ولح ضل خاين
ولو كل العالم لاموني
بقلمي
ريما خالد حلواني