أنا وأنت يعنى مصر
أرض وسما وبحور
نبنيها ألف قصر
واللى يصبر ينول
يمكن شيفنها صعبة
والحلم كمان بعيد
لكن خطوة خطوة
حيقرب البعيد
ونحقق الأحلام
بدولة مش أوهام
دولة تليق بينا
دولة رخاء وسلام
ونفسى فى كلمة أقولها
لرئيس مصر الهمام
خلى الحكومة يا ريس
تخلى ديما بالها
على شعبنا الغلبان
الناس بجد تعبت
لكن جواها لسه الأمل
أن بكرة يجى
وتشوف إللى اتعمل
وأن الصبر أخره
ديما ديما أمل
وتعلى لفوق يا بلدى
ويعلى أسم مصر
مانا وأنت يا أبن بلدى
أنا وأنت يعنى مصر